အစာရေမျိုကင်ဆာ

အစာမျိုပြွန်ကင်ဆာဆိုတာက လည်ပင်းနဲ့ အစာအိမ်ကို ဆက်ထားတဲ့ အစာမျိုပြွန်မှာ ကင်ဆာဖြစ်တာပါ။ အစာတွေက ပါးစပ်ကနေတဆင့် အစာမျိုပြွန်ကို ဖြတ်ပြီး အစာအိမ်ထဲကို ရောက်ပါတယ်။ အစာမျိုပြွန်ရဲ့အတွင်းနံရံအလွှာကနေ ကင်ဆာစဖြစ်ပြီး အစာမျိုပြွန်ရဲ့တခြားအလွှာတွေကို ပြန့်ပြီး ကျန်တဲ့ခန္ဓာကိုယ် အစိတ်အပိုင်းတွေထိပါ ပြန့်နိုင်ပါတယ်။

အစာမျိုပြွန်ကင်ဆာ အဓိအားဖြင့် နှစ်မျိုးရှိပါတယ်။ တမျိုးကတော့ Squamous cell carcinoma ဖြစ်ပါတယ်။ Squamous cell တွေက အစာမျိုပြွန်အတွင်းနံရံမှာ ရှိတဲ့ဆဲလ်များဖြစ်ပြီး အစာမျိုပြွန်တလျောက်မှ ဖြစ်နိုင်ပါတယ်။ နောက်တစ်မျိုးကတော့ adenocarcinoma ဖြစ်ပါတယ်။ ဒါကတော့ အစာမျိုပြွန်မှာရှိတဲ့ ဂလင်းဆဲလ်ကနေ ကင်ဆာဖြစ်လာတာပါ။ အစာမျိုပြွန်အတွင်းနံရံကို သာမန်အားဖြင့် Squamous ဆဲလ်များက ဝန်းရံထားပေမယ့် သူတို့နေရာမှာ ဂလင်းဆဲလ်များအစားထိုးလာတဲ့အခါ adenocarcinoma ဖြစ်လာပါတယ်။ ဒီအမျိုးအစားကို အစာအိမ်နဲ့နီးတဲ့ အစာမျိုပြွန်အောက်ဆုံးအပိုင်းမှာ တွေ့ရပါတယ်။ အစာခြေအက်ဆစ်ထိတွေမှုနဲ့ အများကြီး သက်ဆိုင်တယ်လို့ ယူဆထားကြပါတယ်။

ခွဲစိတ်ကုသခြင်း

အစာမျိုပြွန်တစ်ခုလုံး (သို့) တစ်စိတ်တစ်ပိုင်းကို ခွဲစိတ်ဖယ်ရှားပါတယ်။

ကင်ဆာဆေးသွင်းကုသခြင်း

ကင်ဆာဆေးများကို ကင်ဆာဆဲလ်များ ကျုံ့သွားဖို့ သေသွားဖို့ အတွက် ကုသမှုအဖြစ် ပေးပါတယ်။ သွေးကြောမှဆင့် ခန္ဓာကိုယ်ထဲမှာရှိတဲ့ ကင်ဆာဆဲလ်များပေါ်ကို သက်ရောက်စေပါတယ်။

ပစ်မှတ်ထားကုထုံးများ

ပစ်မှတ်ထားကုထုံးကတော့ ကင်ဆာဆဲလ်များကြီးထွားခြင်းနဲ့ ပြန့်ခြင်းကို လုပ်ဆောင်ပေးတဲ့ မော်လီကျူးများကို တားဆီးတဲ့ ဆေးများ ဖြစ်ပါတယ်။

ဓာတ်ရောင်ခြည်ကုသခြင်း

ဓာတ်ရောင်ခြည်ကုသခြင်းကတော့ ဓာတ်ရောင်ခြည်ကို အသုံးပြုပြီး ကင်ဆာဆဲလ်များကို သေစေတဲ့ကုသမှု ဖြစ်ပါတယ်။ ကုသတဲ့နေရာမှာရှိတဲ့ ကင်ဆာဆဲလ်များကိုသာ သက်ရောက်ပါတယ်။

Immunotherapy ( မိမိခုခံအားစနစ်သုံး ကုထုံး)

Immunotherapy ကတော့ ကင်ဆာဆဲလ်များကို တိုက်ခိုက်ဖို့ ကိုယ်ခံအားစနစ်ကို လှုံ့ဆော်ပေးပါတယ်။

• ဆေးလိပ်ဖြတ်ပါ။ ဆေးလိပ်သောက်နေရင် ဆရာဝန်နှင့် တိုင်ပင်ပြီး ဆေးလိပ်ဖြတ်ပါ။ ဆေးလိပ်ဖြတ်ဖို့ တိုင်ပင်ဆွေးနွေးတာ ဆေးဝါးများ အကူအညီရယူနိုင်ပါတယ်။ ဆေးလိပ်မသောက်ဘူးဆိုရင် လုံးဝ မသောက်ကြည့်ပါနဲ့။
• အရက်သောက်ခြင်းကို လျော့ပါ။ ရှောင်နိုင်ရင် ရှောင်ပါ။ အရက်သောက်နေတယ်ဆိုရင် လျော့သောက်ပါ။ ကျန်းမာတဲ့လူတွေအဖို့ အမျိုးသမီးများနဲ့ အသက် ၆၅နှစ်အထက်အမျိုးသားများအတွက် တစ်နေ့ကို တစ်ခွက်လောက်ပဲ သောက်သင့်ပြီး အသက် ၆၅နှစ်အောက် အမျိုးသားများကတော့ နှစ်ခွက်ထိ သောက်နိုင်ပါတယ်။

• သစ်သီးနဲ့ ဟင်းရွက်များပိုစားပါ။ သစ်သီးမျိုးစုံနဲ့ ဟင်းရွက်များကို အစားစားတဲ့အခါ ထည့်သွင်းစားပါ။
• ကိုယ်အလေးချိန် ထိန်းသိမ်းပါ။ အဝလွန်နေတယ်ဆိုရင် ဆရာဝန်နဲ့ တိုင်ပင်ပြီး ကိုယ်အလေးချိန်လျော့ချပါ။ တစ်ပတ်ကို ကိုယ်အလေးချိန် ၁ပေါင် ၂ ပေါင်ခန့် ဖြည်းဖြည်းနဲ့ မှန်မှန်လျော့ချသွားသင့်ပါတယ်။
• လက်ရှိမှာတော့ ကြိုတင်စစ်ဆေးနိုင်တဲ့ စစ်ဆေးမှု မရှိသေးပါဘူး။

CanHOPE က စင်ကာပူနိုင်ငံ Parkway Cancer Centre မှ စီစဉ်ဆောင်ရွက်ပေးတဲ့ အကျိုးအမြတ်မယူဘဲ ကင်ဆာဆွေးနွေးတိုင်ပင်ပေးခြင်းနဲ့ အကူအညီများကို ဆောင်ရွက်ပေးနေပါတယ်။ CanHOPE မှာ ကင်ဆာကုသမှုများနဲ့ ကင်ဆာရောဂါများစွာအကြောင်းနဲ့ ပက်သက်သော ပြည့်စုံတဲ့သတင်းအချက်အလက်များရှိတဲ့ အတွေ့အကြုံ ဗဟုသုတပြည့်တဲ့ စောင့်ရှောက်မှုပေးနိုင်တဲ့ အဖွဲ့တွေ ရှိပါတယ်။

CanHOPE အနေနဲ့

• ကင်ဆာရောဂါကာကွယ်ခြင်း၊ လက္ခဏာများ၊ ဖြစ်နိုင်ခြေများ၊ ကြိုတင်စစ်ဆေးနိုင်တဲ့စစ်ဆေးမှုများ၊ ရောဂါရှာဖွေခြင်း၊ လက်ရှိကုသမှုများနဲ့ လေ့လာမှုများ ပါဝင်တဲ့ ခေတ်ပေါ် ကင်ဆာသတင်းအချက်အလက်များ ပေးနိုင်ပါတယ်။
• ကင်ဆာရောဂါဆိုင်ရာ ဝန်ဆောင်မှုများအဖြစ် ရောဂါကြိုတင်စစ်ဆေးခြင်း၊ ရောဂါရှာဖွေခြင်း၊ ကုသမှုစင်တာများနဲ့ သက်ဆိုင်တဲ့အထူးကုဆရာဝန်များဆီကို လမ်းညွှန်ပေးပါတယ်။
• ကင်ဆာနှင့် ပက်သက်ပြီး ဆွေးနွေးတိုင်ပင်ပေးခြင်း၊ ကင်ဆာကုသမှုဘေးထွက်ဆိုးကျိုးများကို ရင်ဆိုင်ဖို့ အကြံဉာဏ်များပေးခြင်း၊ ကင်ဆာရောဂါကို ရင်ဆိုင်ဖို့၊ အစားအသောက်နဲ့ အာဟာရဆိုင်ရာများကို ဆွေးနွေးတိုင်ပင်ပေးပါတယ်။
• ကင်ဆာရောဂါခံစားနေရသူများနှင့် မိသားစုဝင်များ၊ ပြုစုစောင့်ရှောက်သူများကို စိတ်ခံစားမှုဆိုင်ရာနှင့် စိတ်ကျန်းမာရေး လူမှုရေးဆိုင်ရာ အထောက်အပံ့များပေးပါတယ်။
• ကင်ဆာရောဂါလူနာများနှင့် ပြုစုစောင့်ရှောက်သူများ ကင်ဆာရောဂါအကြောင်းကို ပိုမိုသိရှိပြီး သတိထားနိုင်ဖို့ အစုအဖွဲ့လိုက်လုပ်ဆောင်ခြင်း၊ အသိပညာများဖြန့်ဝေခြင်း၊ အထောက်အပံ့အကူအညီများ လုပ်ဆောင်ခြင်းများ ဆောင်ရွက်ပေးပါတယ်။
• ပြန်လည်ကျန်းမာသန်စွမ်းဖို့ အကူအညီများအတွက် လိုအပ်တဲ့အချက်အလက်များ ဆောင်ရွက်ပေးပါတယ်။
• ကင်ဆာရောဂါရင့်သူများ ဘဝနေပျော်ရေးအတွက် စောင့်ရှောက်မှုဆိုင်ရာဝန်ဆောင်မှုများကို ဆောင်ရွက်ပေးပါတယ်။

CanHOPE အဖွဲ့အနေနှင့် လူနာတိုင်းကို မျှော်လင့်ချက်အနည်းငယ်ပဲ ဖြစ်ဖြစ်ရရှိဖို့အတွက် မျှဝေမှုများ လုပ်ဆောင်ရင်း လူနာအတွက် အထောက်အပံ့နဲ့ ဂရုစိုက်မှုများရရှိစေဖို့ လူနာတွေနဲ့အတူ ကင်ဆာကုသမှုခရီးစဉ်တလျှောက်မှာ အတူရှိနေပါတယ်။